මරීනා නෙමත් ලෝකයේ අති බිහිසුණු වධකාගාරය ලෙස හඳුන්වන ඉරානයේ ඒවීන් සිරගෙදර සිරගත වූයේ වයස අවුරුදු 16 දීය. එහි දී ඇය අනේක විධ වූ වධබන්ධන වලට මුහුණ පෑවාය. කෙසේ වෙතත් සිරගෙදර බලධාරියෙකු ගේ ප්‍රාණ ඇපකාරියක වී අන්තිමේදී ඇය ජීවිතය බේරා ගත්තාය. ඇය යළි ජීවිතය ලබාගත්තේ ඉස්ලාම් ආගම වැළඳ ගෙන ඔහු හා විවාහ වීමෙනි. ජීවිතය හැර අනෙක් සියලු දේ අහිමි වූ ඇයට අවසානයේ ඔහු ද අහිමි විය. ඔහුගේ රහස් මනාලිය වී සිරගෙදරම ගත කළ ඇය සිරගෙදර රහස් ජීවිතය පිළිබඳ අඳුරු මතක එකින් එක ලියන්නේ සිරගෙදරින් නිදහස් වූ පසුවය. මේ ඇයගේ සත්‍ය කතාවයි.