ටී. බී. ඉලංගරත්නයන්ගේ කෘති අතුරින් ලොකු කුඩා කාගේත් පැසසුමට ලක්වූත් ඉතාමත් ඉකිමනින් ජනප්‍රියවූත් තුන් ඈඳුතු නවකතාවේ දෙවැන්න මෙයයි. පළමුවැන්න විලම්බීත වන අතර තුන්වැන්න තිලක හා තිලකායි. විශේෂයෙන් පාසැල් සිසුන් ආශාවෙන් කියවූ විලම්බීත කතාව කෙළවර වූයේ එහි ප්‍රධාන චරිතය වන තිලක පාසැල් අධ්‍යාපනයෙන් පසු රැකියාවක් ලැබෙන තුරු කුඹුරු ගොවිතැනට බැසීමට තීරණය කිරීමෙනි. තිලක කතාව ලිපිකරු තනතුරක් ලැබුණු පසු සිය විවාහය දක්වා තිලක ගත කරන ජීවිතය ගැන තතු හෙළි කරයි.