විද්යා කතන්දර
නිව්ටන් ගේ මේ කතාවෙන් කියැවෙන්නේ පොල් බිමට වැටෙන්නේ පොළොව
හා පොල් ගෙඩිය අතර ඇති ගුරුත්වාකර්ෂණය මඟින් බව ය. එහෙත් මේ කතාවෙන් නොකියැවෙන දෙයක් ද කියැවීමට අපට පුරුදු කර ඇත. එ නම් පොල් ගෙඩිය බිමට (පොළොවට) වැටීමට හේතුව ගුරුත්වාකර්ෂණය බව ය. එය එ සේ නො වේ. පොල් වැටෙන්නේ ගුරුත්වාකර්ෂණය නිසා නො වේ. ගුරුත්වාකර්ෂණ ප්රවාදය හෙවත් ආකෘතිය නිර්මාණය වුණේ පොල් (අඩු ම තරමින් ඇපල්) බිමට වැටෙන නිසා ය. පොල් (ඇපල්) බිමට නොවැටෙන්නට නිව්ටන් ඔ වැනි කතාවක් නිර්මාණය නොකරනු ඇත. නිව්ටන් නිර්මාණය කළ, එ නම් ගෙතූ කතාව පට්ටපල් බොරුවක් යැ යි ඉන් අවුරුදු දෙසිය පනහකට පමණ පසු ව අයින්ස්ටයින් කීවේය. එ සේ කී අයින්ස්ටයින් පොල් ගෙඩි බිමට වැටීම පිළිබඳ ව වෙනත් කතාවක් ගෙතුවේ ය.
“නිව්ටන්ලා අයින්ස්ටයින්ලා තම කතා ගෙතුවේ ඔවුන් ගේ සංස්කෘති තුළ ය. මේ කතා සිංහලයෙන් අප කියන්නේ කෙසේ ද? අප මුහුණ දෙන ප්රධාන ම ගැටලුව ඒ සඳහා භාෂාවක් නිර්මාණය කිරීම ය. එය තරමක් පළල් හා ගැඹුරු කටයුත්තකි. අද බටහිර විද්යාව පිමේ වර්ධනය වෙයි. ක්වොන්ටම් භෞතිකය, ජෛව තාක්ෂණය, සාපේක්ෂතාවාදය, විශ්වය ආදිය පිළිබඳ ව බටහිර විද්යාවට කීමට ඇති නවතම කතා ගැන අපි කතා කරමු.”
ප්රථම උපාධිය සඳහා ලංකා විශ්වවිද්යාලයෙහි ගණිතය හැදෑරූ නලින් ද සිල්වා සිය පශ්චාත් උපාධිය ලබාගත්තේ තාරකා භෞතික විද්යාව විෂය කරගනිමින් බ්රිතාන්යයේ සසෙක්ස් විශ්වවිද්යාලයෙනි. ඒ සඳහා ඔහු 1970 දී ඉදිරිපත් කළ පර්යේෂණ නිබන්ධනයෙහි, භ්රමණය වන වස්තු වටා භ්රමණයට ප්රතිවිරුද්ධ අතට ප්රක්ෂේප කෙරෙන අංශු, අවස්ථිති සමුද්දේශ රාමුවේ භ්රමණයත් සමඟ ඇදීමේ ප්රතිඵලයක් ලෙස, පසු ව වස්තුව භ්රමණය වන අතට ම චලනය වන බවට අයින්ස්ටයිනීය ප්රවාදය යොදා ගනිමින් සෛද්ධාන්තික ලෙස පළ කළ අනාවැකිය අසූව දශකය අග දී බ්රිතාන්ය-ඇමරිකානු ඒකාබද්ධ පර්යේෂණ කණ්ඩායමක් කළ පර්යේෂණයන්හි දී සනාථ වි ය.
නලින් ද සිල්වා මාක්ස්-ට්රොටිස්කිවාදියකු ලෙස හා සෛද්ධාන්තික භෞතික විද්යාඥයකු ලෙස ඒ ක්ෂේත්ර දෙකෙහි ම ගැඹුරට අධ්යනය කිරීමේ ඵලය වූයේ ඔහු ක්රමයෙන් මාක්ස්- වාදයෙහි මෙන් ම විද්යාවෙහි ද පදනම ප්රශ්න කරන්නකු බවට පත් වීම ය. එහි ඵල වශයෙන් 1986 දී එළිය දුටු ඔහු ගේ 'මගේ ලෝකය’ කෘතිය සමස්ත ලෝකය මත ම බටහිර ආධිපත්යය පැතිරවීමේ මතවාදී පදනමට එල්ල කළ මරු පහරක් වී ය, එ තැන් පටන් ඔහු ලියූ ලිපි-ලේඛන හා කළ දේශන ද කොළඹ විශ්ව විද්යාලයේ ගණිත අධ්යයනාංශයේ ආචාර්ය- වරයකු ලෙස ගෙවූ කාලයේ ඔහු ගේ මඟ පෙන්වීම යටතේ ක්රියාත්මක වූ ‛ගවේෂකයෝ’ ද ඔහු ලේකම් පදවිය දැරූ 'චින්තන පර්ෂදය’ ද මෙ රට සමාජ-චිත්තය කෙරෙහි සුවිශේෂ වූ බලපෑමක් කර ඇත.
Details
තවම කිසිවෙකු මෙම පොත ගැන ලියා නැත. ඔබ පළමුවැන්නා වන්න.
