ගැමි පරිසරයේ හැදී වැඩි, නාවික හමුදාවට බැඳුණු ඔහු, කලාතුරකින් කෙනෙකුට ලැබෙන ඇමරිකාවේ SEAL පුහුණුව ද ලබා ගැනීමට වාසනාවන්ත විය. එහෙත් නොසිතු ලෙස සේවයෙන් ඉවත් කරනු ලැබූ ඔහු, දේශපාලනික පිහිට ලැබ නිධානයක් හඹා යන මැර කණ්ඩායමක් සමග සටන් වඳින, වාතාවරණයකට කාලය විසින් තල්ලු කරනු ලබයි. මේ, එම සටනේ ත්‍රාසජනක කතාවයි. මහනුවර ධර්මරාජ විද්‍යාලයේ සහ ජ' පුර ව්‍යවහාරික විද්‍යාපීඨයේ අධ්‍යාපනය ලැබූ ලක්ෂ්මන් ඉලංගකෝන් නාවික හමුදාවේ රියර් අද්මිරාල් වරයෙකු ලෙස සේවය කර විශ්‍රාම ගත්තේය. ඔහු සතුරා ඉදිරියේ දක්වන ලද එඩිතර භාවයට තුන් වරක් රණශූර පදක්කමෙන් ද පුද ලැබීය.