යහන්ගෙදර අලකලංචි

සැප්තැම්බර් මස 21 වන දින නිකුත් වීමට නියමිතයි. නිකුත් වන දිනය පෙර දැනුම්දීමකින් තොරව වෙනස් විය හැකි බව කරුණාවෙන් සලකන්න.

එංගල්තිනා ළංවූවේ මහ කරමළා අල්ලාගන්නාට ය. එංගල්තිනා දුටු හැටියේම නුපුරුදු එකියක් දුටුවාක් මෙන් කළබළ වූ මහ කරමළා බෑගිරි දෙමින් දුවන්නට වූවේ ය.

 “ඉඳා. මේකගේ ඝනකොම බලාපල්ලකෝ. ගෙදරදී චීත්තේ ඇතිල්ලි ඇතිල්ලි වී අහුරු ගිළින්නේ. හොඳයි උඹව අල්ල නොගත්තොත් මං එංගල්තිනා නෙවේ ඕන්…”

 ගම්සභා පාරේ එකම කළබැගෑනියක් ය. කුකුළා, එංගල්තිනා දුටු විට දුවන්නේ මස් වැද්දෙකු දුටු පරිද්දෙන් ය. පාරෙන් කටු අකුළටය. ආයෙමත් කටු අකුළෙන් පාරට ය.  වීරිය අත් නොහළ එංගල්තිනා නැවතුණේ මහ කරමළාගේ බෙල්ලෙන් අල්ලාගෙන ය. 

 “ උඹ හිතුවා මදි මා එක්ක තරඟ කරන්ඩ.”