101 Ways to Break Up - කාගෙ කාගෙත් කතාව

ජීවිතේ එකපාරක් හරි බ්‍රේකප් වෙලා තියෙනවද?

ඇත්තටම දෙන්නෙක් වෙන්වෙන්නෙ මොකක් හින්දද? විශේෂයෙන්ම අපි වගේ නොසෑහෙන්න ආදරෙන් හිටිය දෙන්නෙක්?? උගත්කමින්, පවුල් පසුබිමෙන් විතරක් නෙවෙයි, සියට අසූවක් අනූවක්ම අදහස්වලින් ගැලපෙන, ටේස්ට් එකෙන් පවා එකිනෙකාට ගොඩක් සමාන දෙන්නෙක්???

ඇත්තටම එයාලට එහෙම වුණේ ඇයි?

"...ඒ පිහියේ ඔනෙති නානායක්කාරගෙ ඇඟිලි සලකුණු තියෙනවා පැහැදිලිවම!"
"එයා එහෙනම් කලබලේට පිහිය ගලවන්ඩ හදන්ඩ ඇති!"
"ඒක එහෙම වුණා කියමුකෝ." ඉන්ස්පෙක්ටර් ඔළුව වැනුවා. "හැබැයි ඒ වෙලාවෙ මිනීමැරුම වුණ තැනට පිටින් ආව කවුරුත් ගැන කිසිම හෝඩුවාවක් නෑ, තමුන්ලා දෙන්න ඇරෙන්න!"

දේව්ටයි ඔනෙතිටයි, එයාලා වෙන්වුණ රාත්‍රියෙම අත්විඳින්න ලැබුණු භයානක අත්දැකීම මොකක්ද?

...ඔයා දවසක් විහිළුවට වගේ කිව්වා, ඔයාගෙ ඔය චූටි ඔළුව ඇතුළෙ කතන්දර ගොඩක් එකතු කරනවා කියලා. ඉතින්, මමත් දැන් ඔයාට කතන්දරයක් කියන්නම්. ඔයා ඒකෙන් කරන්නෙ මොනවද කියන එක ඔයාට භාරයි. ඒත් ඒක මෙච්චර කාලෙකට ඔයා අහපු කතාවලට වඩා අමුතුම කතන්දරයක් බව නම් මට සහතිකයි!