නුවර තියෙනවා කම්කරු කාර්යාලය කියල එකක්. ඒක බොහොම බලගතු තැනක්ලු. ඒකෙ ඉන්න උත්තමය ගෙ පපු කැවුත්ත වෙඬරු පිඬක් වගෙ උණු වෙනවලු වැඩ කරන උන්ගේ විපතක් දුටුව ම. පාලක පන්තියට නම් උන්නාන්සෙ ගෙන් කිසිම බුරුලක් නැතිලු. නයා වගේලු කන්ඩ පනින්නේ.. පසුදින වත්තේ කිසිවෙකු රාජකාරියට වාර්තා කළේ නැත. සියල්ලෝම බාල්දිවලට කිරි පිහිවලින් තාලයට තට්ටු කරමින් කාර්යාල මිදුලේ පෙළ සැදුණහ. මෙතෙක් කල් නෑසු නොදුටු අලුත් අරුමෝසමක් වූ හෙයින් සමහරුන්ට එය විනෝදජනක ද විය.....