අන්ධකාරයේ කුමාරයා

වසර ගණනක් පැරණි භස්මාවශේෂයන් සමඟ එම තරුණ ඉංග්‍රීසි ජාතිකයාගේ රුධිරය මුසුවත්ම ඩ්‍රැකියුලා බලකොටුවේ භෞමාගාරයක් තුළ තැන්පත්ව පැවති පෞරාණික වූ ශිලාමය මිනී පෙට්ටිය තුළ ආරම්භ වූයේ මෙලොව වෙසෙන කිසිදු රසායන විද්‍යාඥයකුට වටහා ගත නොහැක ආකාරයේ අපූර්ව රසායනික ක්‍රියාවලියකි.

මිනිස් රුධිරය හා මුසු වූ අළු දූවිලිවලින් නිර්මාණය වූයේ ප්‍රෞඪ බවින් යුතු මිනිස් රුවකි. කවුන්ට් ඩ්‍රැකියුලාගේ පාපිෂ්ඨ ආත්මයට මෙලෙම එම ජීව රුධිරයෙන් පණ පෙවිණි!

එළඹෙන රැයෙහි ඔහු අතින් තවත් තරුණ ජීවිත කොපමණ විනාශ වනු ඇත් ද? වනාන්තරයෙන් වැසුණු කාපීතියානු කඳුකරය පුරා වැම්පයර් ශාපය නැවත ලැව් ගින්නක් මෙන් සැණින් ව්‍යාප්ත වනු ඇත!