මර්වින් දෙනගම දීර්ඝකාලීන මාධ්‍ය අත්දැකීම් ඇති ලේඛකයෙකි. දේශපාලනය, ආර්ථික විද්‍යාව, සාහිත්‍යය හා සමාජ විශ්ලේෂණ හා විදේශ විත්ති ආදී කවර ගණයක වුව ලිපි ලේඛන සම්පාදනයේ දක්ෂයෙකු වූ ඔහු ප්‍රථම වරට නිර්මාණ සාහිත්‍යයට අත ගැසූ බව සුබ ආරංචියකි.

ඔහුගේ කුළුඳුල් කෘතිය වන අතරමග අතරමංව” යන නවකාතාවේ නාමයට අද යොවුන් පරපුර මුහුණ දී සිටින බරපතළ බේදවාචකය සංකේතවත් කරන්නකි.

බොහෝ නිර්මාණවල නිරූපණය වන්නේ ගමෙන් කොළඹට ඇවිත් අතරමංවන යොවුන් පරපුර ගැනය. දෙනගමගේ කෘතිය එය උඩු යටිකුරු කිරීමකි. මිස්සක නම් යෞවනයා කොළඹ සිට බැහැරට ගොස් ස්ත්‍රී පාර්ශවයෙහි බැඳී අතරමං වන්නෙකි.

බුද්ධිමත් නොවුවහොත් කොහේදී වුවත් ජීවිතය ව්‍යසනයට පත් විය හැකි බවට මේ කෘතිය අනතුරු හැඟවීමකි.

තිලකරත්න කුරුවිට බණ්ඩාර

ජ්‍යෙෂ්ඨ මාධ්‍යවේදී