මා බලවත් ලෙස යාන්ත්‍රීකරණය වී ඇතැයි මට සිතේ. මා හැඟීම් දැනීම් නොමැති රොබෝවෙක් බවට පත් වී ඇතැයි මට සිතේ. දුකකට හෝ සතුටකට ඇසට කඳුළු ආ දිනක් වත් මට මතක නැත. ආදරය සෙනෙහස සොයන මගේ සම වයසේ තරුණ තරුණියන් අතර මා කාම ආශාව පමණක් සංසිඳුවා ගන්නකු බවට පත් වී ඇත. අතීතය ඉතා වේගයෙන් ගෙවී ගොස් ඇතැයි මට සිතේ. නැවත වතාවක් අතීතයට යන්නට සිතේ. බස් රථයේ ලව් මුල්ලට වී ඈ සමඟ තුරුලු වෙමින් ඇගේ ගතේ දැවටෙමින් සිටි අතීතය සිහිපත් වේ. බස්එකේදී තොල් සිප ගන්නට ගොස් කොන්දොස්තරගෙන් බැනුම් ඇසූ හැටි මැවී පෙනේ.