භෂ්මාවශේෂ - දේදුණු සූරියලතා

ගැහැනු සිත් තුළ මෙන්ම පිරිමි සිත් තුළද තමා පතනා සිහින රුව සැඟ වී සිටින බව සදෙව් දැන සිටියාය. චාමරව දුටු දා පටන් බිඳෙන් බිඳ වැඩුණ පෙම් සිත තුළ නිරතුරුවම දඟ කළ සිහින රුව ඔහුම පමණක් වුවත් දෙලොවක් තුළ අතරමං වී සිටින ඔහු සොයන තරු දෑස හිමි තමාට නොවන බව සදෙව්ට වැටහෙයි. කවදා කෙලෙස හදෙහි ඉපදුණාදැයි නිශ්චිතව කිව නොහැකි මේ ආදරය සිහිනයක් වී බොඳ වී යන සැටි දරාගත නොහැකි නිසා ඇගේ දෙනෙත නිරායාසයෙන්ම කඳුළින් බොඳ විය.