පිටසක්වල ජීවින් පිළිබඳව ලොව පුරා ඇත්තේ අතිමහත් උනන්දුවකි. විද්‍යාඥයෝ ඒ ගැන පර්යේෂණ පවත්වති. පුවත්පත් කලාවේදීහු ලියති. කියති. ටෙලිනාට්‍යකරුවෝ ටෙලිනාට්‍ය නිපදවති.

සුනිල් රත්නායක නම් කෘතහස්ත ටෙලිනාට්‍යකරුවා භවත්‍රා නම් ටෙලි නාට්‍යය නිෂ්පාදනය කරනු ලැබුවේ එබඳු පිටසක්වල ජීවියෙකුගේ සම්ප්‍රාප්තියෙන් කැළැඹි ගිය අනාගත සමාජයක් පාදක කර ගනිමිනි. මුල සිට අගට කුතුහලය උතුරමින් දිවෙන මේ කතා ප්‍රවෘත්තිය මනරම් විද්‍යා ප්‍රබන්ධ කතාවකට නැගී මෙසේ නිකුත් වෙයි.