ඔහු කිසිවක් නොවීමසාම අකේශ්ගේ අත රැඳි බිල්පත සුරතට ලබා ගත්තා.. නැත එය ලබාගත්තාට වඩා උදුරා ගත්තා.

''මට ඔය බිල දියන් අකී කීයද මේ වෙනකොට ගාන ?."

"ෆයිව් ලැක්ස් වගේ මචං."

"දෙයියනේ මේක මෙහෙම වෙන්නේ කොහොමද? මේගාන පන්ලක්ෂ අසූ හයදහස් එකසිය හැත්තෑවක්. මගේ ඔළුවට දැනුණු ගාන හරි. එතකොට ඒ මැෂින් එකේ තිබ්බ මට පෙනුණු ඔක්කොම ඩේටා ඇත්තද? මට මොකක්ද දෙයියනේ වෙන්නේ, මට ඒ මැෂින් එකේ ඩේටා ඔක්කොම හිතෙන් කියවන්න පුළුවන් වෙලාද?

ඔහු හිස තුළ නැගුන යම් කම්පන තත්ත්වයක් හේතුවෙන් දැතින්ම හිස බදාගත්තා. ඒ සමඟම ඔහුගේ මනසට මතක් වූයේ මීට මඳ වෙලාවකට පෙර අකේශ් සහ අත්තම්මා අතර සිදු වූ දුරකථන සංවාදයයි. එම සංවාදය ද එලෙසින්ම ඔහුගේ මොළයට දැනුණු බව ඔහුට හොඳටම පැහැදිළියි.