1971 කැරැල්ල වකවානුවේ එයට සමගාමී ව ලංකා සමාජය තුළ විප්ලවීය බලවේගයන් ලෙස ක්‍රියාත්මක වූ දේශපාලන සංවිධාන රාශියකි. 71 කැරැල්ල සමග මේ සියලු දේශපාලන බලවේග මර්දනයේ හස්තයට හසු ව සුනුවිසුනු විය. එම කැරලිකරුවන් හිරගෙවල සහ කැලෑවල මෙන්ම අත්අඩංගුවේ දී රහස් පොලිස් මර්දනයට මුහුණ දුන් ආකාරය මේ පොතේ ජීවමාන ව ඉදිරිපත් වෙයි.

‘බක්මහ කඳුළු යාපනය හිරගෙදරට පහරදීම සහ විජේවීර මුදාගැනීමේ තැත -’ නමින් පළ වූ කෘතියේ දෙවන කොටස වන මෙය අසාර්ථක 71 අප්‍රේල් කැරැල්ලෙන් යටපත් ව ගිය අපූර්ව සත්‍ය කතාවකි.