දුඹුරු තඹරු

අසම්පූර්ණ බව.. මා නිර්මාණයේ තේමාව වූයේ එයයි. කිසිදු දෙයක්, කිසිදු පුද්ගලයෙක් සියලු කෝණ වලින් බැලූ කල පරිපූර්ණ නැත. එයින් මා තෝරාගත්තේ රූපය යන කෝණයයි. රූපය එකිනෙකට සාපේක්ෂ වෙද්දි කෙනෙක් තුළ ඇති පරිපූර්ණත්වයද සාපේක්ෂ වේ. එයට හොඳම උදාහරණය මා මෙන්ම අනර්ඝය. අනර්ඝගේ එක් කකුලක් කොට වෙද්දි, තාත්තා වැනි අයට ඔහු අසම්පූර්ණය. නමුත් අනර්ඝ තරම් සම්පූර්ණ පිරිමියෙකු මා මේ ජීවිතය තුළ දැක නැත. අනෙක් අතට මා සිටින්නේ සමාජයේ රූපය මනිනා මිනුම් දණ්ඩෙන් බොහෝ ඈතය. සම පැහැපත් නැත. ඇත්තේ දුඹුරු පැහැයකි. හැඩ ඇඟපසගක් නැත. කඩාහැලෙන කොණ්ඩයක් නැත. නමුත් මා. දුඹුරු පැහැ සමට, කැරලි කොණ්ඩයට, පිරුණු ක ඇගට අනර්ඝ උමතුවෙන් මෙන් ආදරය කරන්නේය. මා ඔහුගේ දුඹුරු තඹරුව වන්නේය.