අනේක සුඛ දුක්ඛ දෝමනස්සයන් විසින් කැන්දාගෙන එන

සිනාව ද කඳුළ ද අතරේ  ජීවිතය සොයා යන මහ පොළොවේ

මිනිසුන් සහ වනාන්තරයේ අභිමානය වන ඒ දැවැන්ත හස්තියා ද

පාදක කරගනිමින් බුත්මිණි ලක්මාලී හේවාවසම් ලේඛිකාව සිය

ළගන්නා බසින් ඒකදන්ත ගෙත්තම් කරන්නීය.

අලි මිනිස් ගැටුම ද මහ පොළොවේ මිනිසා සහ වනාන්තරයේ

දැවැන්තයා අතර ළෙන්ගතුකමක සුන්දරත්වය ද ප්‍රති-නිර්මාණය

කිරීමේදී ඇය පළ කරන ප්‍රතිභාව අපූර්ව හා මටසිලිටි එකක් බවට

ඇගේ මේ කුළුඳුල් ප්‍රයන්තය පසක් කරයි.

හිරුගේ ඔද තෙද මහිමයෙන් අස්වනු නෙලන්නෝ ද සදාහරිත

වන ගැබ කෙමෙන් ක්ෂය වන කල කුපිතව ගම් වදින

දැවැත්තයෝ ද අතරේ ප්‍රේමය ද අනුරාගය ද පුහුදුන් මිනිසත්

බව ද නින්නාද වන හඬ ඒකදන්ත වෙතින් අසන්නට සහෘද

පාඨක දෙසවන් සමත් වනවා නො අනුමාන ය.

- ශාන්ති දිසානායක