2025 සැප්තැම්බර් මස 14 වන දින නිකුත් වීමට නියමිතය. නිකුත් වන දිනය පෙර දැනුම් දීමකින් තොරව වෙනස් විය හැකි බව කරුණාවෙන් සලකන්න.

තරු වළල්ලෙන් එහා කෙළවර

මිනිස් හුස්මක් නොවැටෙනා ඉම

බොහෝ සතුටින් නුඹ වෙසෙන වග

දැනෙනවා මට මගේ රන් කඳ

හිතේ ගැඹුරුම තැනද පිරිමැද

සියලගේ හිරිඔතප් බිඳලන

සිහිනයෙන් විත් රහස් කොඳුරන

අපූරුයි දඟ, හැඟුම් පුබුදන

ඇරඹුමක පෙර නිමිති දැක දැක

පමාවෙන් මඟ හැරුණු බව දැන

රුදු ලොවෙන් සැඟවී සුසුම් ලන

සමනලිය තටු කැඩී විඳවන

ලියමි උණුසුම් හාදු සමඟින්

එවමි තරු එළියක දවටමින්

හමු වෙනා තුරු ඉරට ඉහළින්

සැනසියන් මේ කවිය විඳිමින්

ආදරෙයි අඹමුණට මගේ,

සත්තමයි!

සිරික්කී මං නුඹේ...

- සමනලීගේ දිනපොතෙන්