අපේ හිත හොඳ දොස්තර මහත්තයා සහ උන්නැහේගේ අපූරු යාලුවන් කට්ටිය මේ සැරේ නම් ඔබත් රැගෙන යන්නේ එසේ මෙසේ තැනකට නොවේ. අහසේ පියාඹන කුරුල්ලෙකු, මුහුදේ පිහිනන මාලුවෙකු, චීත් නැත්නම් ගොඩබිම ඇවිදින සතාසිවුපාවෙකු හෝ කිසිම මනුස්සයෙකු කවදාවත් නොගිය තැනකට ය. අපූරු ම ලෝකයකට ය. කොටින්ම කිව්වොත් ඒ වෙනකොට මේ කිසිම කෙනෙක් ගිහින් නොතිබුණු හඳට ය. දොස්තර මහත්තයාගේ හඳේ සවාරියට සහභාගි වුණේ හඳට ඔවුන් රැගෙන ගිය යෝධ පතංගයාත්, චී චී නම් වඳුරාත්, නුවණක්කාර පොලිනීසියා නම් ගිරවියත්, ටොම් ස්ටටින්ස් නම් හිතුවක්කාර ළමයාත් පමණක් ය.

හියු ලොෆ්ටිං නිර්මාණය කළ Doctor Dolittle in the Moon සිංහලයට පරිවර්තනය කළ සමරසිංහ ගුණසේකරගේ හිත හොඳ දොස්තර කතා මාලාවේ දහවන කතා පොතෙන් ඔබ ද එක්වන්නේ මේ හිත හොඳ දොස්තරගේ හඳේ සවාරියටයි.