හිත හොඳ දොස්තරගේ කතා මාලා අංක 7 - හිත හොඳ දොස්තරගේ මහා තැපැල් මංකොල්ලය

අපේ හිත හොඳ දොස්තර මහත්තයාගේ පියාඹන තැපැල් කන්තෝරුවේ කතන්දරය මේ වන විටත් ඔබ කියවා ඇතැයි සිතමි.

ෆැන්ටිප්පෝ රටේ මිනිස්සු නම කිව්ව පමණින් බයේ වෙව්ලන අමනුස්ස දූපතට ගොඩ බැස්ස අපේ දොස්තර මහත්තයා, පාවෙන බෝට්ටුවේ තැපැල් කන්තෝරුව පටන් ගත්තාට පසුව සිදු වූ නොයෙකුත් භයංකර හා චමත්කාර සිදුවීම් මාලාවේ තවත් ත්‍රාසජනක, ඒ වාගේම හාස්‍යජනක සිදුවීම් රාශියක් ඔබ දැන් කියවන්නට යන මෙම හිත හොඳ දොස්තරගේ මහා තැපැල් මංකොල්ලය කතා පොතේ ඇතුළත් වේ.

රාජ්‍ය සම්මාන දිනූ ළමා කතන්දර ගණනාවක හා ශාස්ත්‍රීය ග්‍රන්ථ රාශියක කතුවරයා වූ සමරසිංහ ගුණසේකර විසින් පරිවර්තනය කරන ලද මේ කතා පොත හිත හොඳ දොස්තරගේ කතා මාලාවේ හත්වැනි කතා පොතයි.