සත්තු වත්තක් කිව්වාම අප ඇහින් දකින්නේ, අපේ සිතේ මැවෙන්නේ, සතුන් සිවුපාවුන්, කුරුල්ලන් හා උරගයන් හිරකූඩුවල හිරකරගෙන සිටින, සතුන් බොහෝ ම දුකෙන් සිටින තැනක් ය. හිරකූඩුවල දමා සිටින සතුන් දිහා බලා මිනිසුන් සෑහෙන සතුටු වුවත්, පිළුණු වෙච්ච, කුණු වෙච්ච අහක දමන කෑම කටක් දෙකක් කා දමා දවස තිස්සේම අවුරුදු ගණනාවක් ම හිරේ තැප තැප සතුන් දුක් විඳින නරකාදියක් ය.

ඒත් අපේ හිත හොඳ දොස්තර මහත්තයාගේ සත්තු වත්ත ඒ වගේ නරකාදියක් නොවේ. එළියේ සිටින සතුන් ඇතුළට එන්නට පොරකමින් සිටින සතුන්ගේ පාරාදීසයක් වැනි හරිම පුදුම තැනක් ය.

රාජ්‍ය සම්මාන දිනූ ළමා කතන්දර ගණනාවක හා ශාස්ත්‍රීය පොත් රාශියක කතුවරයා වූ සමරසිංහ ගුණසේකර විසින් පරිවර්තනය කරන ලද මේ කතා පොත හිත හොඳ දොස්තරගේ කතා මාලාවේ දහසය වැනි කතා පොතයි.