හිත හොඳ දොස්තරගේ කතා මාලා අංක 13 - හිත හොඳ දොස්තර සහ අබිරහස් විල

හඳෙන් ගොඩබැස්සාට පසුව අපේ හිත හොඳ දොස්තර මහත්තයා වෙනත් කිසිම දෙයකට සිත යෙදුවේ නැත. හඳන් ගෙනා ඇට ජාති පොළවේ පැළ කර මනුස්ස ලෝකයේ මිනිසුන්ට, සතා සිව්පාවාට හා ගහ කොළවලටත් තවදාවත් මැරෙන්නේ නැති, ඒ කියන්නේ අමරණීය වූ සදාකාලික ජීවිතයක් ලබාදෙන කටයුත්තෙහි මිඩංගු වී සිටියේ ය. නමුත් මේ කටයුත්ත ඒ තරම් ලෙහෙසි පහසු නොවුණාම දොස්තර මහත්තයාගේ හිත හොඳටම සවුත්තු වුණේ ය. ඒ සැරේ ටොම් ස්ටටින්ස් නම් දහ හැවිරිදි ළමයා ද, මැතිව් මග් නම් බළල් මස්කාරයා ද, පොලිනීසියා නම් ගිරවිය ද, ඩැබ් ඩැබ් නම් තාරාවිය ද, චිප්සයිඩ් නම් ගේ කුරුල්ලා ද එකට එක්කාසු වී දොස්තර මහත්තයා ඉතාම චමත්කාර ඒ වාගේ ම භයංකාර සවාරියක් යෑමට පොළඹවා ගත්තෝ ය.

හියු ලොෆ්ටිංගේ Doctor Dolittle and the Screat Lake නම් කතා පොතේ මුල් කොටසේ ඇතුළත් මේ රසවත් කතාන්දරය සමරසිංහ ගුණසේකර විසින් හිත හොඳ දොස්තර හා අබිරහස් විල නමින් හිත හොඳ දොස්තරගේ කතා මාලාවේ අංක 13 කතා පොත ලෙස ප්‍රකාශයට පත් කර ඇත්තේ ය.