කන්ද උඩරට ගමන් විත්ති

කන්ද උඩරට රාජධානියේ පිහිටි දැක බලා ගත යුතු අපමණ තැන්වලින් තෝරාගත් පෞරාණික සහ සුන්දර තැන් කිහිපයක් සොයා ගිය ගවේෂණයක ප්‍රතිඵලයයි ඔබ දැන් අතට ගත්තේ. මේ සෑම තැනක් සමඟම බැඳී පවතින්නේ කුතුහලය දනවන කතා පුවතක්.

බලන කපොල්ල, දිවිදොස්ගල දැක බලා ගෙන සුද්දන් ඉදිකළ පැරණි පාලම්වලින් මහනුවරට ඇතුළු වන කතුවරයා ලේවැල්ල තොටුපොළ තරණය කර කුණ්ඩසාලේ නුවර දැක බලා ගෙන මැද මහනුවරට පැමිණෙයි. දුම්බර පුරාණ අම්බලම්වල නවතිමින් හීල්ඔය, ලැමසූරියගම, නිල්ලඹ නුවර, මන්දාරම් නුවර, සගම රජමහා විහාරය, එළදැත්තේ නොක්ස්ගේ ගම, මීයන් ඇල්ල ඇතුළු තැන් රැසක් සොයා චාරිකා කරයි.