කිණිහිරියා මල් පිපිලා

ලක්ෂ්මන් කොරදොන් මහතාගේ "කිණිහිරියා මල් පිපිලා" කෙටි නවකතාවේ අත් පිටපත මා විසින් කියවා බැලුවෙමි.වත්මන් සමාජයේ සිදුවේයැයි සිතීමට පවා අපහසු එහෙත් සිදුවිය යුතු සිදුවීමක් මෙම කතා පුවතට තේමා වී ඇත.විවිධ ජීවන ගැටළු හමුවේ මත්කුඩු විකිණීමට පෙළඹුන කාන්තාවකගේ දියණිය උසස් අධ්‍යාපනය ලබා පිටරට විශවවිද්‍යාලයකින්ද උපාධියක් දිනාගෙන ගෞරවනීයව සමාජයට මුහිණදීමේ කතා පුවතක් මෙම නිර්මාණයට පාදක වී තිබේ.ලක්ෂ්මන් කොරදොන් මහතා විවිධ පැතිකඩ ඔස්සේ දැනට පොත් දහයක් පමණ ලියා පළකර තිබෙන අත්දැකීම් බහුල ලේඛකයෙකි. "කිණිහිරියා මල් පිපිලා" ඒ සියලුම නිර්මාණ වලට වඩා වෙනස් මඟක් ගෙන ඇති කෘතියකි.
පොත කියවා රස විඳීම පාඨක ඔබට භාර කරමින් ඔහුගේ ලේඛන දිවිය සරසාර වේවා යැයි පතමි.