“කවී...”

ඒ ඈ විසින් ගීතවත් කළ ජීවන තනුවය. ඉදින් ඇගේ අයිතිය ගන්නට සටන් වැදීමක් අවැසි නැත. ඈ සැනසිල්ලේ නිස්කාන්සුවේම ඉන්නේ ඒකය.

නිහඬ මහ පොළොවට ප්‍රේම කළ ඈට අයිතීන් කුමට? ඒ පොළොව යට ඇති තවමත් ලෝකය විසින් හඳුනා නොගත් ලෝකයම ඇගේය. ඇයට ප්‍රේමය වෙනුවෙන් සටන් නැත. මහ පොළොවකට අයිතිය කියමින් පුංචි කොටසක වැටකොටු දමා ගන්නට ඈට ඕනෑ නැත. මුළු මහත් පොළෝ තලයටම පෙම් බඳින ඈට පුංචි ඉඩක ඇති සැනසීම කිම? නැත. ඈට අක්කරයක් දෙකක් අල්ලා කම්බි වැටකින් කොටුකර ‘මගේය’ කියන්නට ඕනෑ නැත. මේ මහ පොළොවම ඇගේය. ඇගේ විතරමය. ''දේදුණු උයන්ගොඩ” මේ මහ පොලොවේ තනි අයිතිකාරියය.