මිණි බැඳි දොර

"ඒත් මේ මෑතකදි මං දැනගත්තා, මහත්තයා නීතිඥයෙක් ය කියන කාර‌ණේ. ඒ විතරක් නොවයි. මං කාලයක් තිස්සෙ ටයිප් කරලා තියෙන්නෙත් මහත්තයගේ අතින් ලියලා එවන දේවල් ය කියලා."

කුමුදුනී කතාව නවත්තලා තද හුස්මක් ගත්තා. ආයෙමත් කතාව පටන්ගත්තා.

මගේ කාලෙ ඉඳල ම ඒ අත් අකුරු මට හුරුයි මහත්තයා. ඒ වටකුරු අකුරු වලින් තමයි මට මුලින් ම ආදරේ මුණගැහුණේ. මං මෙහෙම කිවුවට මහත්තයා මොකවත් ම හිතන්න එපා. මං හුඟාක් ඉස්සර කාලෙක ඉඳලා ඒ රවුම් ලස්සණ අකුරුවලට, ඒ අකුරු ලියපු කණ්නාඩි දාපු මනුස්සයට, වේගෙන් ඇස්පිය ගහන ඒ ඇස් දෙකට ආදරේ කළා මහත්තයා."