සීත සෘතුවේ එක් දිනයකි. පෝල් ෂෙල්ඩන් තම නවතම කෘතියේ එකම පිටපත රැගෙන ලොස් ඇන්ජලීස් වෙත ගමන් කරන අතරතුර නොදැමුණු හිම කුණාටුවකට අසු වී ඔහු ගේ මෝටර් රථය දරුණු අනතුරකට පත්වෙයි. පණ අදිමින් සිටින පෝල් ෂෙල්ඩන් හට ජීවය ලබා දෙන්නේ දෙවඟනක් සේ පැමිණෙන ඇනී විල්ක්ස් නම් හිටපු හෙදියකි. මෙසේ අහඹු ලෙස හමුවන තම ප්‍රියතම ලේඛකයා නැවතත් යථා තත්වයට ගෙන ඒමේ ඇගේ යටි අරමුණ කුමක් වේද? මනෝ විකාරයෙන් පැන නැගුණා වු දුෂ්ඨ බිහිසුණු ගැහැණියක ගේ මාරාන්තික ග්‍රහණයට අසු වන අසරණ ලේඛක පෝල් ෂෙල්ඩන් වටා ගෙතුණු මෙම ප්‍රබන්ධය පාඨකයාගේ සිත අනපේක්ෂිත අයුරින් සලිත කරවා ලොමු දැහැ ගන්වනු නොඅනුමානය.