මාෂා ඔහුගේ ශක්තිමත් බාහු අතරට සිරවී උණුසුම්ව උන්නාය. විලවුන් සුවඳ මුසුවූ ඔහු ගනේ සුවඳින් පෙනහළු පිරෙද්දී ඇවිලුණු හැඟුම් තවත් ගිනියම් විය. ඈ ඉණ වටා වැටී තිබූ යදම් වැනි බාහු තවත් සිරවණු දැනිණි. ඔහුගේ සිරුරේ කොටසක් තරමටම තදින් ඈ ඔහුට ඇලී උන්නාය. මහසෙන් සූරියබණ්ඩාර ඉහළට එසවුණු ඈ වතේ සුසිනිඳු තොල් පෙති මත සිය බැරැති මහපටැඟිල්ල ගෙන ගියේය. ඇය වෙව්දුවාය. ඔහුගේ මුව තිබුණේ ඇයට හුස්මක් දුරිනි. ඇගේ සැලෙන පිරුණු රත් දෙතොල් යන්නම් විවර වූයේ සිප ගැන්මකට ආරාධනා කරමිනි.

"I want to kiss you right now.”

ඔහු මත්වූ ස්වරයෙන් ඇගේ සවනතට කෙඳිරුවෙන් දැනුණු උණුසුම් සුසුම් පහසින් ඇය කිති කැවුණාය. වෙනත් ග්‍රහලොවකින් ඇසුණාක් වැනි වූ සරාගී මිමිණුම් ස්වරය නිසාවෙන් කොළ වූවාය. ශීත වැස්සේ උඩුතොල මත ඩහදිය බිඳිති පවා නැගිණි. ඇගේ කොපුල් ලජ්ජාවෙන් රතු වූ බැව් ඔහු මන්දාලෝකයෙන් වුවද දුටුවේය.