තද්භව තත්සම කියන්නේ මොකක්ද? ඇය ඇසීය. මේක අපේ සිංහල පන්තිය කියලා හිතුවද ගෑනියේ.මම හිතින් බැනීමි.ඇය කවදත් අදාළ ම නැති මාතෘකා ,ප්‍රශ්න ඇද ගැනීමට හපනියකි.එහෙත් කිසිවක් කතා කරන්නට නැති මෙවන් මොහොතක එකත් වටින්නේ ය.තවත් විකාරයකි.මම පොත් රාක්කයෙන් ජේ.බි ගේ සිංහල පුස්තකයක් හොයන්නට වීමි.එය පොත් ගොන්නේ කොයි මුල්ලක හෝ තිබිය යුතු ය.එ අල්ල පනල්ලේ බිම වැටි ඇති ඩන්හිලක් ඇස ගැටේ.රන්පත ඉවර වී අහවරය.එ කියන්නේ මොන සිංහලේටත් කලින් ඩන්හිල දැල්විය යුතු බවය.ගොළු සංවාදයේ ආතතිය මැද ලයිටරය කොහේටදෝ වීසි කළ බව මතක ය.එ එක්කම පොතක් ඇස ගැටේ.පොත අතට ලන්වද ලයිටරේ හොයා ගන්වද? මං හෙට ආයේ ගන්නම්.දැන් එයා එන වෙලාව. ඇය විසන්ධිව ගියා ය. පොක අතට ගන්නට හෙට වෙනකල් කල් ඇත.මම ලයිටරය සොයමි