ඔබ මාගේ නොවේදෝ

"හෙට අපි දෙන්නා සිංදුවක් කියමුද?” දිලිසෙන දෑස් මා මත නවතා ඔහු අසන්නේ බලාපොරොත්තු පිරි හඬකිනි. ඔව් ඒ හෙටය... මගේ ජීවිතයේ තවත් පිළිකුල් සහගතම දිනක් වන මගේ විවාහය පැවැත්වෙන්නේ හෙටය.

"මං අඬන්න ඕනි දවසක් මිසක් සිංදු කියලා සමරන්න තරම් සතුටු හිතෙන දවසක් නෙමේ හෙට” මා පිළිතුරු දුන්නේ සුසුමක් හෙලමිනි.

"අවුරුදු දහතුනක් තිස්සේ මං බලන් හිටපු දවස... මං හැමදාම හීන දැකපු දවස හෙට ” ඔහු කීවේ සිනාවකින් වත පුරවාගෙනය.

"කවීර් දෙයක් කියන්නද?''

"හ්ම්ම්"

"හෙට ඔයා හදවතට එකඟව අවංකව හිනාවෙන අන්තිම දවසක වෙයි”