එයින් පසු උදා වූ අතිශයින්ම වේදනාකාරී කාල පරිච්ඡේද වලදි “අස්විද” නම් යකඩ මිනිසා ගොඩ නැඟුණු බව මම දනිමි. දුක නැමැති ගින්නෙන් මා නැවත නැවතත් දැවුණෙමි. මතකයන් නැමැති සිසිල් ජලයේ ගිලෙමින් ඒ දැවීම සන්සිඳවා ගත්තෙමි. දරාගැනිම් නැමැති කුළු ගෙඩි පහර වලින් පන්නරය ලැබුවෙමි. අවසානයේ අභ්‍යන්තරයෙන් සහ බාහිරින් යන දෙපසින්ම අතිශයින්ම ශක්තිමත් වූ අයෙකු ලෙසින් මම නිර්මාණය වූවෙමි.