පුත්තා වස්තු

“මාතු අයියෙ මට මල් පොහොර පැකට් එකක් ගෙනත් දෙන්නකෝ. අර දම්පාට පොහොර කැට. ඒවා දැම්මහම රෝස ගස්වල ලොකුවට මල් පිපෙනවා.”

ඇය දිනක් මාතුපාලට කීවාය.

ඇය කීවා වගේම පොහොර වැටුණු ගස්වල අලුතෙන් මල් පූදියි. ඉදිරිපස මිදුල මෙයට පෙර කවදාවත් නොතිබූ ලෙස හැඩ වී ඇත. සිටවූ රෝස පැළයක අලුතින් පොහොට්ටු දෙකක් හටගෙන ඇත. වැට අයිනේ පැත්තක බිම බුරුල් කළ ඇය ඒ දිගටම වළවල් ගසා තක්කාලි පැළ හිටෙව්වාය. 

ඇය එම පැළ හදාගත්තේ ගෙදර කෑමට ගෙනා ඉදුණු තක්කාලි ගෙඩියක ඇටවලිනි.