මනින පටියක් අතටගත් සිරිසේන

එහි කෙළවරක් ගුණපාලට දුන්නේ ය.

දෙදෙනා මෘත දේහයේ උස මැන බැලුවෝ ය.

මෘත දේහය අඩි පහේ ටේප් පටියට වඩා දික්විය.

මේ යකා.. අඩි හයහමාරයි... අප්පට සිරි

දැන් මොකද කරන්නේ...’

"හැබෑවයි.."

ගුණපාල ද කෙඳිරිලි හඬින් කීවේ ය.

''පෙට්ටි ඇත්තෙත් නෑ..... මේ වෙලාවෙ

හොයන්ටත් බෑ... අපි හදන්ටයැ...

කරන දෙයක් කරපං ගුණේ...”

සිරිසේන යාප්පුවෙන් මෙන්

ගුණපාලට පවසා සිටියේ ය.

"එහෙනම් ඉතිං කරමු... මදෑ....

නිස්සංක මලේ... උඹ ආවට පස්සෙ මේවා

දැක්කේ නෑ නොවැ...”යි කී ගුණපාල

මේසයක් යටට නැමුණේ ය.