රහස්පරීක්ෂකයෙකු ඕනෑ කර තිබේ

'මට මහත් කුතුහලයක් ඇති විය. ඒ මී පැණි කෑල්ල දුටුවානම් ඔබටද ඇති වන්නේ මට ඇති වූ කුතුහලයමය. ඒ රූමතිය දුටුවානම් ධ්‍යාන වඩන තවුසකු පවා අඩි දොළහක් උස තාප්පයකින් පැන ඇය පසුපස එනවා සහතිකය. ඇය රත්තරන් කඹයකින් රන් කොතක් මත බැඳ සිරකර තැබිය යුතු රත්තරන් කෑල්ලක් මිස මහ රෑ අගනුවර පදික වේදිකාවල හැසිරිය යුතු රූමතියක් නොවේ.

දඩයම් බල්ලෙකු විසින් වට කරනු ලැබූ සා පැංචියක මෙන් බියපත්ව සිටි ඇය ඒ බිය තවත් දෙගුණ තෙගුණ කළ හැකි මිනී කාමරයක් බඳු මැදිරියක් තුළට ඇතුළු වූවාය. හිපපොටේමස් සත්ත්වයකු බඳු තඩියෙකුද සිටින කල ඒ බිය ඊටත් වඩා උග්‍ර වන්නට පිළිවන් යැයි මට ඒ මොහොතේ හැඟුණේය.’