සඳ රූ ඡායා

“උස අඩි පහයි අඟල් දහයයි. තළෙලු පෙනුම. ව්‍යායාම කිර්ම නිසා දෑත්, පපුව සහ කලවා පිරිපුන්ව ඇත. සාමාන්‍යයෙන් කොණ්ඩය කොටට කපන නමුත් හිස් මුදුන තරමක් දිගට වවා ඇත. සමහර අවස්ථාවන්හිදී කොණ්ඩය තඹ පැහැයෙන් පාට කර තිබේ.

නියම නම කිසිවෙක් නොදනී. සිප්පියා නමින් පමණක් හඳුන්වනු ලබයි. වාර්තාවන ආකාරයට දැනට දාහත් දෙනෙකුගේ ඝාතනවලට සැක කරයි. අධිවේගී යතුරු පැදියක් පදිනු ලබයි. ඔත්තු සේවා සහ පොලීසියේ ඉහළ නිළධාර්න් සමඟ සම්බන්ධතා ඇතැයි සැක කෙරේ. ස්ථිර පදිංචි ස්ථානයක් නොදනී. මෙම තොරතුරු අතිශය රහස්‍ය බව සලකන්න.”