ගැහැනු කියන්නේ පිරිමින්ට වඩා වෙනස් අය නෙමෙයි කියලා හිතෙන තරම් අපි එයාලව ඇසුරු කරන්න ඕනේ. විවිධ අය, එක එක වයසේ අය. එතකොට සසෙන්ට තේරුම් ගන්න පුළුවන් ගැහැනුකමයි ලස්සනයි කියන්නේ මොකද්ද කියලා.”

සර් එහෙම කිව්වට පස්සේ කැෆේ එක ඇතුළෙ හිටිය ගෑනු ළමයි දිහා සසෙන් හැරිලා බැලුවා. නාගරික පන්නයට හැඩවෙලා කෝපි බොන ඒ අයගේ මූණුවලත් කෝපිවල උත්කර්ෂය තැවරිලා තිබුණා.

හිනා සංලාප මැද කෝපි පාට ඇස්වලින් විහිදුණු කාන්තියකින් ඒ ස්වර්ගීය අවකාශය බැබළුණා. ඉන් පස්සේ ඒ දිදුලන ලලනා ලාලිත්‍යයේ සැබෑ සුන්දරත්වය සසෙන්ට තේරුම් ගන්න පුළුවන් වුණා.