වසර තිස් පහක් ගණකාධීකාරීවරයෙකු සහ ජ්‍යෙෂ්ඨ කළමණාකරුවෙකු ලෙස පුද්ගලික අංශයේ සේවය කර අත්දැකීම් ඇති පන්තක භාතිය සිරිවර්ධන, තම මුල්ම නවකතාව වන සොඳුරු ආඥාදායකයා පොත මෙසේ එළිදක්වන්නේ සේවයෙන් විශ්‍රාම ගත් පසුය. එය ඔහු විසින් ලියන ලද්දේ 2019 වසරේ වුවද, ඵල කිරීමට අවස්ථාවක් නොලැබිණ. ඔහු ලියු කෙටි කතා එකතුවක් සහ නවකතා දෙකක් ඵල කිරීමට ඇත. ඔහුගේ කතා වලට බෙහෙවින් මාතෘකා වන්නේ සමාජ විෂමතා, මානව සම්බන්ධකම් සහ පවුල් අතර ඇතිවන ගැටුම් වීම විශේෂ කරුණකි. ඔහු සමාජ ප්‍රගමනය අපේක්ෂා කරන ධනාත්මක සිතුවිලි වලින් පෝෂිත චරිත තම කතා අතරින් ඉස්මතු කිරීමට වැඩි කැමැත්තක් දක්වයි.