ඒ ස්පර්ශයන්, කුමක් කීවත්, කුමක් සිදු කළත් ඒ නීති පොතට තමාගේ සැමියා ය. එහෙත් එම බැම්මට යටත් නොවන විශාල වූ පාරා වළල්ලක් ඔවුන් වටා කරකැවෙමින් තිබේ. අද ඔහු තමා පිළිබඳව තැවේ. එහෙත් එදින. ඔහු මෙසේ හැසිරුනා නම්. යුවතියට සුසුමක් හෙලුනේ ඉබේටම ය.

”මිනිස්සු කාලයත් එක්ක වෙනස් වෙනවා තමයි. ඒත් මේ වෙනස්වීම මම කොහොමද දෙවියනේ භාරගන්නේ. මෙයා ඇයි මාව හොයාගෙන ආවේ. දුරින් හිටපු අවුරුදු අටටම වඩා බරයි මට මේ දවස්. මිහ්...”

ඇය නොදැනුවත්වම තම කොපුල් සහ දෑස් මත දෑත් තද කරගන්නට ගියේ මෙය සිහිනයක් සේ සලකා ය. එහෙත් ඒ සුසුම් තමා අසලය. ඒ දෙනෙත් තමා මතමය. නැත එය සිහිනයක් නොවේ. ඔහු තමා ඉදිරියේ ය.