තරු හොයන අහසක්

 අමාවී අල්විස් හීන්සීරුව වටින වගක් තේරුම්ගත්ත කතරගම ගමනින් පස්සෙ. කෙවින්ටන් අල්විස් හිතුවෙම නිසංසල තරූ රණවිලගේ මැරුණ කියලයි. හීන් නූලෙන් ලොකු කඹයක් අඹරන් දේශපාලනේ දිග ගමනක් ඇවිත් එතනින් අහස අල්ලන්න හදන්නෙ දැන් කෙවින්ටන්. එයා හිතන් ඉන්නෙ ඉදිරි දේශපාලනේ තියෙන්නෙ එකම පවුලක කියලයි.

"අමා ඕං මැඩම් කිවුවලු... ඔයා එක්ක ටිකක් කතාකරන්න ඕනැ කියලා”.

දවසක් උදේ ලා හිරු එක්ක මිදුලෙ මල් සුවඳ හොයමින් ඉන්න අමාවි පස්සෙන් ආපු නයනතාරා අමාවිගෙ උරහිසට උඩින් එබෙමින් කිවුව.