වල් බෙලි රොෂාන් රුබේරු සුගතන් ගෑනු නාන වෙලාවට පුරුද්දක් විදියට ම කන්දේ ඇලේ දිය බුබුළ ළඟ මේ ගහට නගින්නේ පුදුම ආසාවකින්.සුගතන් ඉන්න බව දන්නා නිසා ගෑනු නාන්නේ වෙනදටත් වඩා වහගෙන.සුගතන්ගේ මේ ආසාව දෙගුණ තෙගුණ වුනේ සුමේදක්ක නිසා.පොල් අතු වියල ජිවත් වුන සුමේදක්ක නාන්න ආවම කිසිම කලබලයක් නෑ. දියේ දාපු පොල් අතු ගොඩ දාල, අලුත් ඒවා දියේ දාල නිවී සැනසිල්ලේ තමයි නාන්නෙ. ඒකි අනික් ගෑනු වගේ කිසි දෙයක් හැංගුවේ නෑ.ගමේ ගෑනු ටික ගොඩ යනකං ඉඳලා වතුරට බහින සුමේදක්ක ඇති වෙන්න නානව. සුගතන්ට හිතුනෙ ඇති වෙන්න සබන් ගානවා කියල.