විමුක්තිය සොයා

චන්ද්‍රසිරි දොඩංගොඩ නවකතාකරුවාගේ පළමුවැනි ගුණානුස්මරණය වෙනුවෙන් නවකතා, කෙටිකතා හා කාව්‍ය වශයෙන් තරඟ තුනක් පැවැත්වීමට චන්ද්‍රසිරි දොඩංගොඩ අනුස්මරණ පදනම ගත් උත්සාහය මල් ඵල ගැන්වී ඇති අතර එහි ප්‍රතිඵලයක් වශයෙන් කුසුමා එපිටවල ලියූ විමුක්තිය සොයා නම් නවකතාව ප්‍රථම ස්ථානය දිනාගෙන තිබේ. එවා තිබූ නවකතා රාශියක් අතරින් විමුක්තිය සොයා නවකතාවේ කැපී පෙනෙන ලක්ෂණ දක්නට ලැබිණ.

මෙම නවකතාවට ඇතුළත්ව ඇත්තේ සිදුහත්- යශෝදරා කතාවේ නව අර්ථකථනයකි. ආගමික පසුබිමක දිවෙන කතාව ගැන අමුතුවෙන් කිව යුත්තක් නැතත් කතාවේ ජයග්‍රහණයට හේතු වූයේ කතුවරියගේ භාෂා විලාශයයි. ආගමික පසුබිමකට උචිත සේ ලියවුණු භාෂාව ආධුනිකයෙකුගෙන් බලාපොරොත්තු නොවිය හැකි තරම් උත්කෘෂ්ට මට්ටමක පවතී. ඒ නිසාම මා ඇතුළු විද්වත් විනිශ්චය මණ්ඩලයට කිසිදු පැකිළීමකින් තොරව මේ කතාව ප්‍රථම ස්ථානයට තෝරා ගැනීමට හැකියාව ලැබුණි. රාජ්‍ය භාෂා දෙපාර්තමේන්තුවේ සේවය කළ කතුවරියගේ භාෂා දැනුම එතැනින් මුවහත් වුවායයි සිතේ. 

- අනුල ද සිල්වා