මුම්බායි නගරයේ මහා ලක්ෂ්මී කෝවිල පෙනෙන මානයේ තට්ටු නිවාස සංකීර්ණයේ පියගැට පෙළ මත විෂ්ණු වාසය කළේය. එම තට්ටු නිවාසයන්හි විසූවන්ගේ සුළු සුළු වැඩ කටයුතු කර දෙමින් ඔහු ජීවිකාව සපයා ගත්තේය.

විෂ්ණු ආදරය කළේ ගණිකාවක වූ පද්මිණි ටය. ඇය හා විවාහ වීම ඔහුගේ අපේක්ෂාව වූවත් එය කිසිවිටෙක සඵල වූයේ නැත.

විෂ්ණුගේ මව ඔහුට කීවේ ඔහු සියලු සත්ත්වයන්ගේ මූල කාරණය වූ දෙවිඳු කියාය. ජීවිතය පුරා අපමණ දුක් විඳි විෂ්ණුගේ මරණය තට්ටු නිවාස සංකීර්ණයේ ජීවත් වූ බොහෝ නිවැසියන්ගේ ජීවිතවල නිරුවත හෙළි කළේය.