මිස්ට මහානාම ඇයි ආවෙ??

''බබා... මම ඔයාට කොහොමද මේ දේවල් තේරුම්කරන්න ඔ්නේ??''

''කොහොමටවත් එපා මිස්ට මහානාම.. වෙච්ච හැමදෙයක් වෙනුවෙන්ම මම මගේ පැත්තෙන් ඒ වගකීම භාරගන්නවා. අපි පොඩි ළමයි නෙමෙයි.මාලකට මම ආදරය කළ එකත් මගේ අතින් වුණු වැරැද්දක්. හඒියටම කිව්වොත් මම මිස්ට මහානාමට රැවටුණා වගේ''

''ඉරූ ඔයා මට රැවටුණේ නැහැ. ඒ වගේම මම ඔයාව රැවැට්ටුවෙත් නැහැ

''මට ඒ ගැන තවත් දැනගන්න අවශ්‍ය නැහැ මිස්ට මහානාම...

මම කැමතියි අපි හම්බවෙන අවසාන දවස අද වෙනව නම්''

''ඉමාරා ඔච්චර හිතුවක්කාර වෙන්න එපා..''

''අද දහවල් එක්කෙනෙක් ඇවිත් මගේ කෙරුවාව ගැන අපූරු චරිත සහතිකයක් දීල ගිය වෙලාවක මට ඔබතුමාගේ චරිත සහතිකය වැඩි නැහැ. ආව එකේ ඔබතුමාගේ ඔක්කොම කියලම යන්න.. මම අතින් අතට යන ගෑනියෙක්, එතකොට නැහැදිච්ච මෝඩ උද්දච්ච එකියක් කියලත් කියල යන්න'' 

''ඇයි ඌ ආවම විතරක් සද්ද නැතිව හිටියේ? මාත් එක්ක වගේ ඌ එක්කත් කට ගහගෙන යන්න තිබ්බනේ..''

''මිස්ට මහානාම..! කරුණාකරලා මගේ පස්සෙන් එවන එක වහාම මේ මොහොකේම නවත්තන්න. ඔබතුමාට මගේ රකින්න දෙයක් තව ඉතුරු නැහැ. වැඩිම උනොත් උන් මරයි මාව. ඉතින් ඔබතුමාට මොකද? මම ඔබතුමාගේ කවුද?''