1950 දශකයේ ලාංකීය සමාජ දේශපාලනික පසුබිම තුළ දිග හැරෙන 'යාය පහ, හුදු ප්‍රේම වෘතාන්තයකට එහා ගිය සමාජ කියවීමකි. නිදහසින් පසු මෙරට දේශපාලන බල අරගලයන් සහ මුල් බැසගත් කුල පීඩනය හමුවේ පොඩි වී යන මිනිස් ජීව්ත මෙහි මැනවින් නිරූපණය වේ.

කුල මල පවුරු පදනම් කරගත් සමාජ සම්මතයන් ඉදිරියේ, අහිංසක ආදරය පරාජය වන අයුරුත්, ඒ වටා ගෙතුණු දේශපාලනික කුමන්ත්‍රණත් මෙම නවකතාවෙන් විවරණය කෙරේ. මෙය හදවතට දැනෙන සංවේදී කතාවක් මෙන්ම, අතීත සමාජයේ අඳුරු පැතිකඩක් ස්පර්ශ කරන කැඩපතකි.