කළු පැහැ ඇඳුමෙන් සැරසී, කළු පැහැ වෙස් මුහුණක් පැලඳ කළු පැහැ ජවාධිකයකු පිට නැගුණු ඔහු අවතාරයක් මෙන් අඳුරෙන් මතුවිය.අයුක්තියට අසාධාරණයට එරෙහිව ජීවිතය පරදුවට තබා සටන් කළ ඔහු ස්පාඤ්ඤයට යටත්ව තිබූ අමෙරිකාවේ කැලිෆෝනියා ප්‍රදේශයේ පීඩිත ජනතාවට සහන  සලසා අවතාරයක් මෙන් අඳුරේ සැඟව ගියේය.ඔහු ආගිය හැම තැනෙකම 'Z' සලකුණ තිබිණි. ඔහු කවරෙක්ද? සැබැවින්ම ඔහු කවරෙකු ද යන්න බහුතරය නොදැන සිටි අතර  බොහෝ දෙනා ඔහු හැඳින්වූයේ සෝරෝ - කළු අවතාරය යන නමිනි.