මැහුම්කාරි

නව සිය පනහ දශකයේ දවසක ටිලී ඩනිජ් නම් වූ සුන්දර යෞවනිය පිටිසරබද කුඩා නගරයක පිහිටි තම නිවසට ආපසු පැමිණෙන්නේ සිය මව මොලී රැක බලා ගැනීමේ අරමුණ ඇතිවයි. මොලී ඒ වන විට අබල දුබල උමතු ගැහැනියක ව සිටි බව ටිලී නොදැන සිටියා ය.

නගර වැසියන් වසර ගණනාවකට පෙර ටිලීව ඈත නුවරකට පිටමං කර තිබිණි. උපන් බිමින් පිටමං ව සිටි කාලයේ අග ඇය පැරිස් නගරයට

ගොස් මැහුම් ශිල්පය උගෙන ප්‍රවීණ මැහුම්කාරියක් වූවා ය.

පෙරළා තම ගම්බිම් කරා පැමිණි ඇය අපූරුවට ඇඳුම් නිර්මාණය කරමින් තම ජීවිකාව ආරම්භ කළ අතර

කිසියම් පළිගැනීමේ චේතනාවක් ද ඈ තුළ දලුලමින් වැඩිණි.

ඕස්ට්‍රේලියානු ලේඛිකා රොසලි හැම්ගේ The Dressmaker නවකතාව මුද්‍රණයෙන් පිට වුණේ 2000 වසරේ දී ය. 2015 දී එය චිත්‍රපටයකට නැඟිණි. නවකතාව මෙන්ම අතිශය ජනාදරයට පත් මෙම චිත්‍රපටයේ ටිලීගේ චරිතය රඟපෑවේ කේට් වින්ස්ලට් ය.