කුළු හරකුන් ඇති කළ දුහුවිලි වලාව වියැකී යමින් තිබූ අතර ඒ අස්සෙන් මා දුටුවේ කළු හැඳගත් කෙනෙකුගේ ඡායාවයි. මම අතිශයින් මවිතයට පත්ව ඔහුගේ තරු මෙන් දිදුලන දෑස් දෙස බැලුවෙමි. ඒවා චමත්කාරජනකය. එහෙත් ඒ ක්ෂණයෙන් එතනට පැමිණි පොලිස් නිලධාරිනියක් මගේ රෝද පුටුව හරවාගනු මට දැනිණි.

මම විසල් කරගත් දෑසින් යුතුව මගේ දර්ශන පථයෙන් ඔහුව මැකී යන අයුරු බලා සිටියෙමි. ඒ සිටින්නේ පෙර දිනක මගේ හදවත නතර වූ වේලේ මා අසල සිටි නිල් දෑස් සහිත තරුණයා බව මට විශ්වාසය.