මේජර් වර්නන් සහ ජීකී නමැති නීග්‍රෝ ජාතික සේවකයා රන් සෙවීම සඳහා දකුණු අප්‍රිකාවේ අසිකි ගෝත්‍රය සොයා යන වික්‍රමාන්චිත චාරිකාවක් මෙම කථාවට පාදක වී ඇත. අසිකි ගෝත්‍රිකයෙකු වන ජිකී කුඩා අවධියේ දී ගෝත්‍රය ක්‍රිස්තියානි ආගමට හරවා ගැනීම සඳහා එහි ගොස් පසුව සිරකරුවෙකු බවට පත් වු මිෂනාරි වරයෙකු වන ඔස්ටින් පියතුමා සමඟ එංගලන්තයට පලා ආ තැනැත්තෙකි. එම ගෝත්‍රය පාලනය කරන සුරූපී අසීකා වසර දහස් ගණනාවක පටන් පැවත එන එකම ආත්මයක් අධිගෘහිත කර ගෙන ජීවත් වන තැනැත්තියක් බව ඇය පවසයි.