"ඔයාට විජේපාලයිය මුණ ගැහෙනව ද?" "ඔව්.... ඉඳහිට මුණ ගැහෙනව" අමිලගෙ හිත නොසන්සුන් වී ඇති බව මුහු‍ණෙන් පළ විය. "විජේපාලයිය එක්ක කතා බහට යන්නෙපා" යි මිහිරි බිම බලාගෙන හීන් හඬින් කීවාය. එබඳු අනතුරු ඇඟවීමකට හේතු කවරේදැයි අමිල විමසුවේය. "නෑ මම ඒක කීවෙ නිකමට... හිමිජ්ජ වගේ හිටියට විජේපාල හරි දරුණු මිනිහෙක්" යි මිහිරි සෝකයෙන් කීවාය. "මම ඊට වඩා දරුණු තාත්ත කෙනෙක්ගෙ පුතෙක්" යි කියමින් අමිල ඉතා සැහැල්ලු සිනාවක් මුවගට නඟා ගත්තේය.