දිලීපා ලස්සනයි දිලීපාගේ චරිතය ඊටත් වඩා ලස්සනයි ධනය බලය කායික ශක්තිය ඉදිරියේ කවරදාකවත් කිසිම ජගතකු ඉදිරියේ දිලීපා කොන්ද නැමුවේ නැහැ. හිස පහත් කළේත් නැහැ. මේ නිර්භීත යුවතිය ජීවිතයේ ජය පරාජය දෙස බැලුවේ සැහැල්ලුවෙන් වාගේම උපේක්ෂාවෙන් රිදී සේල ඔපවත් කරන දිලීපා සමඟ දෙතුන් පැයක් ජීවත් වන පාඨකයා හෝ පාඨකාවිය තම කාලය කිසිසේත් අපතේ ගියා යැයි නොසිතනු ඒකාන්තය. උපහාසය හා සිනාව කැටිකොට සරල බසින් නිරවුල්ව ගෙතුණු රිදී සේලයෙන් ඔබ හමුවට එන දිලීපාගේ නැගණිය සාධනී මේ කතාවෙන් ඔබට හමුවන සුකුමාර පෙම්වතිය වනු ඇත.