මහ පොළොව මධ්‍යයට ගිය ගමන

ජිනේන්ද්‍රවංශ ද සිල්වා

රහස් අකුරින් ලියැවුණු ගුප්ත ලියැවිල්ලක් මහාචාර්ය ලිඩොන්ඩ්‍රොක් ගේ ජීවිතයේ ඉතාමත් උපද්‍රව සහිත ගමනක් සිතුවම් කරයි. තම බෑනා ද මාර්ගෝපදේශකයකු ද සමඟ මහාචාර්යවරයා අයිස්ලන්තයට චාරිකාවක යෙදේ. පෘථිවි මධ්‍යය කරා ගිනිකඳු ශිඛරයේ ආවාටයෙන් අභ්‍යන්තරයට පිවිසෙන ඔවුහු රහස් මාවතකට පිවිසෙති. ඉක්බිති තවත් අභ්‍යන්තරයට ගොස් ප්‍රාග් ඓතිහාසික අත්භූත මුහුදු සත්ත්වයන් ගෙන් ගහණ වූ පාළු භූගත මුහුදක් හරහා ආපසු නොඑතැයි සිතෙන චාරිකාවට යොමුවෙති.

ජූල්ස් වර්න් මෙන් නොදත් රටක තොරතුරු, තදින් ග්‍රහණය කරගත්, දැඩි සේ ගවේෂණය කිරීමට යොමුකරන වෙනත් ලේඛකයන් සිටියා නම් ඔවුහු කිහිප දෙනෙක් වෙති. අදත් දශ ලක්ෂ ගණන් පාඨකයන් වර්න් ගේ කෘති කියවීමට හේතුව ඔහු සදාමතකයේ ජීවත්වන හොඳම කතා රචකයන් ගෙන් කෙනෙකු නිසා යැ’යි මහා විද්‍යා ප්‍රබන්ධ රචකයා ලෙස ගැනෙන ආචාර්ය ආතර් සී. ක්ලාක් මහතා පවසයි. “මහ පොළොව මධ්‍යයට ගිය ගමන” වර්න් ගේ ප්‍රබන්ධ කලාවේ නිවැරදි ආදර්ශයකි.